Услуга организации учебных курсов в области IT

“Elektron hujjat aylanishi tizimlaridan foydalanish (E-XAT, edo.ijro.uz)” mavzusidagi masofaviy malaka oshirish kursi tashkil qilinadi. 16 soat, 4 kun. O'zbekiston Respublikasi Prezidentining 2021-yil 10-fevraldagi PF-6166-son Farmoni hamda 2021-yil 31-maydagi PQ-5132-son qarori bilan davlat boshqaruvi organlari va xo'jalik yurituvchi subyektlarda ijro intizomini nazorat qilishning mutlaqo yangi tizimi - edo.ijro.uz platformasi joriy etildi. Mazkur tizim orqali hujjatlar aylanishi va topshiriqlar ijrosini monitoring qilish bugungi kunda har bir tashkilot samaradorligini baholovchi asosiy mezon hisoblanadi. Shuningdek, O'zbekiston Respublikasining “Elektron hujjat aylanishi to'g'risida”gi hamda “Elektron raqamli imzo to'g'risida”gi Qonunlari talablariga muvofiq, elektron hujjatlarning yuridik kuchi va ularning himoyalangan kanallar (E-XAT) orqali almashinuvi davlat xizmatchilari va mas'ul xodimlardan yuqori darajadagi raqamli savodxonlikni talab etmoqda. Amaliyot shuni ko'rsatadiki, ko'plab tashkilotlarda ijro intizomi bo'yicha “qizil” (muddati o'tgan) topshiriqlarning yuzaga kelishi yoki hujjat almashinuvidagi xatoliklar tizimning texnik nosozligi emas, balki foydalanuvchilarning amaldagi reglament va texnik imkoniyatlarni yetarli darajada o'zlashtirmagani natijasidir. “UNICON.UZ” MChJ mazkur yo'nalishdagi muammolarni tizimli hal etish maqsadida “Elektron hujjat aylanishi tizimlaridan foydalanish (E-XAT, edo.ijro.uz)” mavzusidagi ONLAYNmalaka oshirish kursini taklif etadi. O'quv kursini muvaffaqiyatli tamomlagan tinglovchilarga o'rnatilgan tartibda sertifikat beriladi.