Услуга актуарная

Aktuar tekshiruvini amalga oshirish va uning natijalari bo'yicha aktuar hisoboti va aktuar xulosasi ishlab chiqiladi. Aktuar hisoboti ikki nusxada tuziladi, aktuar xizmatlarini bevosita ko'rsatgan aktuariy tomonidan imzolanadi, aktuar tashkilotning rahbari tomonidan imzolanadi va ushbu tashkilotning muhri bilan tasdiqlanadi. Aktuar hisobotining varaqlari raqamlangan, tikilgan va aktuar tashkilotning muhri bilan tasdiqlanadi. Aktuar hisobotining kirish qismida aktuar tashkilotning (shu jumladan, bevosita aktuar xizmatlarini ko'rsatgan aktuariyning familiyasi, ismi, otasining ismi, malaka sertifikatining seriyasi, raqami va berilgan sanasi) va sug'urtalovchining (shu jumladan, sug'urta faoliyatini amalga oshirish uchun litsenziyaning seriyasi, raqami va berilgan sanasi) rekvizitlari, shuningdek aktuar xizmatlarini ko'rsatishning asosi va sug'urtalovchi faoliyatining umumiy tavsifi bayon etiladi. Aktuar hisobotining kirish qismida quyidagilar bayon etiladi: aktuar xizmatlarini ko'rsatishning borishi tavsifi va umumiy natijalari; aktuar xizmatlarini ko'rsatish uchun sug'urtalovchi tomonidan taqdim etilgan ma'lumotlarning tavsifi; sug'urtalovchi 2025 yil boshiga moliyaviy holatining bazaviy tavsifi, sug'urtalovchi tomonidan oldingi aktuar xizmatlarini ko'rsatish natijasida aniqlangan xato va kamchiliklarni bartaraf etish bo'yicha amalga oshirilgan choralar; 2025 yil davomida amalga oshirilgan sug'urta operatsiyalarining tahlili, tavakkalchilik siyosatini, ushlab qolish siyosatini, zaxiralarni shakllantirish siyosatini, tarif siyosatini baholash, sug'urtalovchi tomonidan majburiyatlarni bajara olmaslik ehtimolini olib borilayotgan sug'urta operatsiyalarining tavakkalchilik o'lchovi sifatida baholash; 2025 yil davomida amalga oshirilgan investitsiya operatsiyalarining, investitsiya portfelining diversifikatsiyasi, qaytarilishi, foydaliligi va likvidligining tahlili, umumiy investitsiya portfelida zaxiralarning holati (diversifikatsiya, qaytarilish, foydalilik va likvidlik talablariga muvofiq kelgan holda); tahlil, baholash va hisob-kitobning boshqa turlari; aktuar xizmatlarini ko'rsatish natijasida aniqlangan xato va kamchiliklar, shundaylar mavjud bo'lganda; aktuariy ixtiyoriga ko'ra boshqa axborot. Aktuar hisobotining yakuniy qismida aktuariyning xulosalari, maslahatlari va takliflari bayon etiladi. Narxlar xizmatlar bo'yicha quyidagicha taqsimlanadi: - amalga oshirilayotgan sug'urta operatsiyalarining xavflilik darajasi tahlili. Narxi - 15 mln.sum; - amalga oshirilayotgan investitsiya operatsiyalarining xavflilik darajas. Ushbu xizmat narxi - 5 mln. sum; - sug'urtalovchining moliyaviy holatini aktuar tahlili. Ushbu xizmat narxi - 5 mln.sum. Hammasi bo'lib 25 mln.sum. Shartli birlik bo'lib aktuar tekshiruv natijasida bajarilgan ishlar o'z aksini topgan, aktuar tashkilot tomonidan mo'hrlangan, aktuar tashkilot rahbari tomonidan imzolangan, raqamlangan va tikilgan yozma hisobot xizmat qiladi.