Temir yo'l vagonlarini ta'mirlash xizmati

Yuk vagonlarini joriy ta'mirlash xizmati. Joriy ta'mirlash jarayonida vagon ta'mirga ko'tariladi, vagonning aravalari va avtobirikma qismlari texnik ko'rikdan o'tkaziladi. Tormoz tizimlari kran mashinist yordamida sinovdan o'tkaziladi. G'ildirak juftliklari vibrodiagnostika qurilmasidan o'tganidan so'ng tokarlik stanogida yo'nilgan holda o'rta yoki joriy ta'mirlanadi. G'ildirak juftligi holatiga qarab greben qismi quyma payvandlanadi.Barcha ehtiyot qismlar va materiallar “Buyurtmachi” tomonidan yetkazib beriladi. Ta'mir ishlaridan so'ng bajarilgan ishlar dalolatnomasi, nuqson dalolatnomasi hamda hisob-fakturalar “Yetkazib beruvchi” tomonidan “Buyurtmachi”ga taqdim etiladi. Yuk vagonlarini Qarshi vagon deposi manziliga yetkazishda bajariladigan temir yo'l xizmati harajatlari va temir yo'l tariflari FDU-92, GU-45 va GU-46 blanklari asosida Qarshi TexPD tomonidan Qarshi vagon deposiga taqdim etilganda “Buyurtmachi” tomonidan qoplanadi.