Услуга по капитальному ремонту трансформаторов

TMZ-250/U2 markali transformatorni kapital ta'mirlash xizmatlari quyidagilarni o'z ichiga oladi:transformatorning barcha asosiy uzellari va tarkibiy qismlarini texnologik reglamentlarga muvofiq mexanik hamda zarur hollarda kimyoviy usullar bilan ifloslanishlardan tozalash; O'ramlar izolyatsiyasining shikastlangan qismlarini aniqlash, kompleks diagnostika qilish va ularni qisman yoki to'liq almashtirish, shuningdek, zarurat tug'ilganda alohida o'ramlarni to'liq qayta tiklash; O'ramlarni mahkamlovchi tortma shpilyalarning tortilish darajasini tekshirish, me'yoriy hujjatlar talablariga asosan ularni qayta tortish va mustahkamlash; O'ramlarni fiksatsiya qiluvchi klinli mahkamlash moslamalarining texnik holatini baholash hamda zarurat bo'lganda ularni presslash (podpressovka) orqali zichligini tiklash; Korroziya izlari mavjud bo'lgan metall yuzalarni mexanik tozalash, zangga qarshi ishlov berish va himoya qoplamasi (lak-bo'yoq materiallari) bilan qoplash; Ventilyatsiya kanallarini sanoat xavfsizligi va ekspluatatsiya talablariga muvofiq siqilgan havo yordamida chuqur tozalash va ularning ishchi o'tkazuvchanligini tiklash. Ta'mirlash jarayonida aniqlangan yashirin nuqsonlar bo'yicha Buyurtmachiga yozma ravishda axborot berilishi majburiy; Bajarilgan ishlar yakunida sinovlar, nazorat o'lchovlari va texnik ko'rik o'tkazilib, tegishli dalolatnomalar rasmiylashtirilishi lozim.